O CIXUG xunto coas tres universidades e a Axencia para a modernización tecnolóxica de Galicia (AMTEGA) segue impulsando a formación do persoal das univerisdades galegas, polo que continuando coas accións formativas deste primeiro semestre do 2022, ábrese o prazo para a inscrición aos distintos cursos do segundo semestre.

Unha parte do calendario de cursos desta segunda metade do ano estará formado por novas edicións de cursos xa impartidos que tiveron unha gran acollida e que o CIXUG ve necesario repetir para paliar a demanda destes.

A outra parte deste calanderario estará formada por cursos nos que se integran novas áreas de formación, como pode ser o uso do Software Libre LaTeX, cursos formativos en Python ou Spring, así como a repitición de algunha formación que se incluíu como novidade o ano pasado e que tivo moita acollida entre o persoal universitario.

Seguirase coa mesma estratexia de valor engadido, donde os cursos contarán con videoconferencias en directo co formador para poder resolver dúbidas, así como afondar en temas concretos do curso ou realizar actividades conxuntas relacionadas coa formación.

Toda a información destes cursos está á disposición das unidades de formación de PAS  e PDI das tres universidades que xa se están ocupando de difundir as convocatorias e xestionar o persoal interesado nos distintos cursos. Tamén se atopa publicada e dispoñible na parte de Formación dentro da Páxina web do CIXUG.