ABERTO PROCESO SELECTIVO DE POSTOS TEMPORAIS PARA PERSOAL TÉCNICO

O Consorcio CIXUG ven de publicar as bases do proceso selectivo para a cobertura de postos temporais de persoal técnico de prospección e orientación laboral como equipo técnico para a xestión do programa asociado ao convenio de colaboración entre a Consellería de Cultura, Lingua e Xuventude da Xunta de Galicia e o Consorcio CIXUG, para a posta en marcha en 2024 e 2025 dun programa integral de formación e mentoring destinado ás persoas mozas inscritas e beneficiarias do sistema nacional de garantía xuvenil no ámbito da comunidade autónoma de Galicia.

Este programa está cofinanciado pola Unión Europea, nun 60%, con cargo ao Programa FSE+ Galicia 2021-2027, no obxectivo político 4, prioridade 5, obxectivo específico ESO4.1, medida 5.A.06.

Poderán presentarse ata o 30 de setembro de 2024 ás 15:00 horas todas aquelas persoas que cumpran os requisitos establecidos nas bases, e o envío das solicitudes realizarase necesariamente de xeito telemático, a través do formulario habilitado na páxina web do CIXUG.

As persoas interesadas en participar neste proceso de selección deberán, ademáis de cumprimentar o formulario de solicitude dispoñible no devandito enderezo, engadir no mesmo momento da presentación toda a documentación indicada nas bases, antes mencionadas, en formato PDF e o seu contido debe ser completo, claro e lexible.

Rematado o prazo de presentación de solicitudes, o Tribunal publicará a lista de persoas admitidas e excluídas na web do Consorcio.