• A definición e modificación de estilos de cela para aplicar formatos con elegancia e produtividade.
• Un amplo dominio da formulación e o uso de nomes de intervalos de celas.
• Como atopar a función de Calc grazas ao Asistente de funcións, e un percorrido sobre diferentes tipos de funcións para sumar e contar, manipular textos ou datas, atopar valores dentro de táboas de datos e aplicar a lóxica para amosar resultados alternativos nas celas.
• Unha práctica intensa do aniñamento de funcións que permitirá utilizar de xeito combinado diferentes funcións dentro da mesma fórmula.
• O dominio dos formatos condicionais para resaltar conxuntos de celas que cumpran determinados criterios, así como mellorar a presentación de certos valores co uso automatizado de iconas, barra de datos e escala de cores.
• A planificación de proxeccións de datos mediante o solucionador, e a busca do valor destino.
• Un profundo coñecemento do manexo de táboas dinámicas para analizar e resumir grandes cantidades de datos.
• O dominio dos diferentes niveis de protección de documentos.