Git é un sistema de control de versións desenvolvido por Linux Torvalds no ano 2005 e que se fixo tremendamente popular grazas a servizos como GitHub, Bitbucket ou GitLab e á súa ampla aceptación en proxectos importantes como o Kernel de Linux, Android, Ruby on Rails, Eclipse, GNOME, KDE, Qt, Perl ou PostgreSQL ou por empresas coma Google, Facebook, Microsoft, Twitter, LinkedIn ou Netflix.
Se es programador, desenvolvedor web, administrador de sistemas, deseñador,… é moi probable que nalgún momento do teu traballo te encontres cun proxecto no que teñas que colaborar con outras persoas usando Git. Pode que traballes só, pero que che interese ter un seguimento e control do teu traballo. Nestes dous casos e en moitos máis, un coñecemento máis ou menos profundo de Git permitirache ser moito más productivo no teu traballo e, sobre todo, evitar moitos dos problemas cos que se encontra a miúdo a xente que non traballa cun sistema de control de versións.
Se o teu ámbito de traballo é técnico e aínda non usas Git, cando leves uns meses usándoo preguntaraste como é posible que non o empezaras a usar antes.